قلبي الطيب

قلبي الطيب
**********
ملعون القلب اللي هواكي
وملعونه الايام وياكي
ملعون حب وعشق زمان
انا بانت قدامي حقيقتك
انا اسف لو كنت عشقتك
علي ضعفي قصادك ندمان..
ملعون الحب اللي يهني
فبحور الذل ينزلني
مش ح اسمح للشوق يهزمني
م الجرح خلاص استكفيت
قلبي الطيب مل الطيبه
وانتي معدتيش تاني حبيبه
انتي مجرد غنوه كئيبه
من تكرارها خلاص مليت
**********************
عشت كتير ساكت ومخبي
شايل جرحك جوا فقلبي
لكن جالك وقت اقولك
قلبي الغالي مهواش عبدك
مبقاش حبك لسه مالكني
زمن الضعف خلاص ودعني
يعني خلاص وبكل بساطه
حبك مبقاش شيء يلزمني
ملعون الحب اللي يهني
**********************
قلبي خلاص من جوا اتغير
مبقاش كدبك فيا يأثر
غدرك بيا فحبك كسر
لملمي حبك وابعدي عني
ملعون الحب اللي يهني
**********************