فهمت ايه قصدك

**elswaf** الأحد يوليو 11, 2010 11:15 am

فهمت ايه قصدك
*************
خلاص يا دنيا خلاص
فهمت ايه قصدك
قصدك تقولي الشهد
موجود ما بين مرك
قبل الفرح فيه جرح
بعد الجراح فيه فرح
واحنا يادوب نزرع
وانتي اللي تختاري
يا دنيا نوع الطرح
يا اما تطرح شوك
يا اما تطرح فل
وطبعا انا والكل
لازم نقول امرك
فهمت ايه قصدك
*************
قصدك تقولي الويل
ويا الزمان بيضيع
قصدك تقولي بلاش
نندم علي اللي يبيع
قصدك تقولي ان
بعد الخريف فيه ربيع
قصدك تقولي ان
لسه الامل موجود
وان الالم لو زاد
حتي الالم له حدود
قصدك تقولي ان
كل الجراح منك
وان الدوا عندك
فهمت ايه قصدك
*************
فهمت انا وسلمت
وعمري يوم ما ح الوم
عليكي يادنيا
يمكن فوقت ما الوم
تكوني شيلالي
فرحي لكمان ثانيه
ح ارضي اعيش فالنار
ح ارضي بأي هموم
واتمني اكون بحلم
وفيوم اقوم م النوم
وان حتي طال الحلم
ح اعيش علي وعدك
ما خلاص يا دنيا خلاص
فهمت ايه قصدك
****************